საერთაშორისო საზღვაო ორგანიზაციის ხელშეკრულებების სავალდებულო ხასიათი და დუმილით თანხმობის პრინციპი საერთაშორისო სამართალში

ანოტაცია

საერთაშორისო საზღვაო და სანაოსნო სამართალი დიდწილად ეყრდნობა IMO-ს მიერ შემუშავებულ კონვენციებსა და რეზოლუციებს, რომლებიც აუცილებელია საზღვაო წესრიგის, უსაფრთხოების, ეკოლოგიური დაცვისა და სახელმწიფოთაშორისი თანამშრომლობის უზრუნველსაყოფად. ნაშრომი განიხილავს ე.წ. დუმილით თანხმობის პრინციპს - მნიშვნელოვან მექანიზმს, რომელიც გათვლილია გლობალური საზღვაო მმართველობის დინამიკური საჭიროებების დასაკმაყოფილებლად. ამ წესით, კონვენციის შესწორებები ავტომატურად ძალაში შედის, თუ წევრი სახელმწიფოები მათ დადგენილ ვადაში მკაფიოდ არ უარყოფენ. სტატია ასახავს ამ მექანიზმის როლს სავალდებულო საზღვაო ხელშეკრულებების კონტექსტში და ხაზს უსვამს მის მზარდ მნიშვნელობას თანამედროვე საზღვაო ტრანსპორტის დარგში.